ودتنا كلنا نيله

انت عبيط ولا بتستهبل..ببقي عايزه اقول كده
لما تكون ماشي في الشارع..عادي كلنا بنمشي في الشارع بس شارع ايه؟وبشوف ايه؟ هو ده المهم.
ممكن الي بتشوفه يحسسك انك عبيط او اهبل ؟
لا لا مش بشتم..مقدرش طبعا اطلاقا،اصلنا كلنا في مركب واحده
ابسط حاجه وانت ماشي مش ممكن تشوف ولد بيعاكس بنت تعمل ايه ؟ولا حاجه
ممكن حد يرد عليا ويقولي انت بتهرجي اعمل ايه يعني لو احترم كلامي ورد
وممكن حد ميردش خالص زي ما بيشوف وبيعمل نفسه عبيط قصدي بيستهبل ..يووووه قصدي مش واخد باله.
طبعا ممكن تركب اي حاجه ميني باص اتوبيس وكمان وممكن تعقد طب حد يقولي كده كام مره حد شاف واحده بلاش بنت واقفه وسك الولاد والرجاله لا مش هقول كده نفرض واحد او راجل عجوز مش قادر يقف وبيقوم له.
هقول كده علي موقف طريف
واحد حامل ومعاهل طفل وواقفه في الميني باص مفيش ولا ولد وقف ولا قالها تعالي اقعدي الطريف ان بنت هي الي وقفت وقعدتها ومع ذلك ولا ولد اختشي علي دمه ولا كان عنده احساس.
الي عمالين يقولوا البنت بنت والراجل راجل
معلش يعني هم فين الرجاله دول؟
ولا هم فلحين في الزعيق والتنطيط علي خلق الله وعلي البنات وابسط الاشياء عاجزين عنها
دول مش بيستعبطوا دول اقول ايه
يلا بلا خيبه.. يعني عمالين تعيبوا علي ده و يعاكسوا في ده والمحترم فيهم بيزعق لاي بنت لو كان ليه عليها كلام المفروض ومش المفروض
يلا مش مهم اما استعبط انا كمان
ودتنا كلنا نيله..