حمص بطاطا فيشار

حمص بطاطا فيشار
جميعنا يدرك ان هناك كابوس يقلقق احلام الشباب ويفزع امالهم
ولكن دعوني اطرح فكرة قد يراها البعض مستحيلة وقد يراها البعض عبقرية وقد يراها البعض ساذجة او مجنونة.
ولكني لا اخترع شيء بل انه موضوع مطروح وموجود عل ساحة الحياة ولنترك الاراء جانبا الان
اذا وقع احد منا في مشكلة العمل واقترحت عليه ان يقف علي عربة حمص او بطاطا او حتي فشار بغض النظر اني بحب الحمص او البطاطا جدا .
لكن من المؤكد ليس الدافع من طرح المشروع حبي لهم ولكن ما المانع إن وقفا احد علي عربة حمص او بطاطا .
الرد هيكون
انا .....!
"بتهرجي"
"انت مجنونة"!
متوقفي انت.
-ولو واحد مستهيف الموضوع ومهذب شوية-
"هاهاها.."
وعندما سالت مالو المشروع ليه وحش؟
الرد المفروض انه يقنعك.
"الناس!
مالها الناس بيك؟
احنا عايشين في وسطيهم.
طب تحب يقولوا عليك عاطل ولا بتاع حمص؟
ولو مش عجبك الحمص خليك في الفشار وقفتة اشيك من البطاطا والحمص. علي فكرة مربح
شوف كدة زجاجة الزيت بكام!وعشان انت جامعي او متعلم لازم الفيشار يبقي صحي وابعد عن زيت التموين.
واحسب علية مثلا شوال ذرة من النوع الحلو الي بينفش دة
وشوية ملح لزوم التظبيط.
واحسب الربح. مش هي دة التجارة.
ولا لازم نبين اننا ولاد ناس اوي
احنا فعلا ولاد ناس عشان مفيش نوع تاني ممكن يجيب بني ادمين بس دة تعبير متداول يدل في لغتنا علي العنتظة.
احنا هنبقي ولاد ناس فعلا يفتخروا بينا لما ننجح ونتعلم كيفية بناء الفرد لذاتة اكيد مش شرط البطاطا ولا الحمص والفيشار .
لكن اكيد في كيفية الابتعاد عن الخوف من نظرة الناس .
ولكن لدي تساؤل؟. لماذا عندمانريد شيء نقول "مش مهم الناس"حتي ولو كان هذا الشيء خطأ.والعكس صحيح؟
والسؤال الاخر.تحب تكون عاطل ويقولوا ابن ناس من وجهة نظرهم.
ولا بتاع حمص وراجل؟!